Bydd criwiau’r Cyngor yn casglu eitemau i’w hailgylchu o bob aelwyd yn y ddinas. Ar ôl eu casglu, cânt eu cludo i’n safle ailgylchu yn Ffordd Lamby i’w didoli â llaw a chan beiriannau.
Gwyliwch y fideo i ddysgu sut mae’r CAD yn gweithio.
Cyfleuster Ailgylchu Deunyddiau (CAD)
Rydym yn gwella’r dechnoleg rydym yn ei defnyddio i drefnu ailgylchu Caerdydd!
Yn ystod y cyfnod hwn, ni fydd teithiau o’r cyfleuster ailgylchu ar gael, ond gobeithiwn eich croesawu yma ar ôl i’r gwaith gael ei gwblhau.
Ailgylchu o gwmpas y cartref
Mae Caerdydd a dinasoedd eraill ledled Cymru yn wynebu targedau hyd yn oed yn fwy llym ar ailgylchu ac mae’n bwysig i’r amgylchedd ac i’n waledau ein bod yn ailgylchu cymaint ag y gallwn.
Ewch i wefan Cyngor Caerdydd i gael rhestr lawn o beth all gael ei ailgylchu.
Gall eitemau eraill o gwmpas y cartref gael eu hailgylchu, ond nid yn y bag gwyrdd! Bydd angen i chi fynd â nhw i’n Canolfannau Ailgylchu. Dysgwch am yr hyn y gallwch fynd i’n Canolfannau Ailgylchu Gwastraff y Cartref.